По направените анализи за годишните заработки на најмоќните компании во САД и поделувањето на времето потребно за профит се утврдило дека Apple е најуспешната компанија за која е пресметано дека во една секунда заработува 1.444,7 долари и се наоѓа многу пред сите останати компании.

Според најновата инфографика на ТитлМакс, каде најдобро може да се види приходот на највредните светски компании во една секунда Алфабет (Гугл) е на петтото место со приход од 615,96 долари, додека Мајкрософт е на седмото место, со приход од 531,21 долар во секунда.

Според овие податоци, Епл минатата година заработил 45,5 милијарди долари, што е двојно повеќе од втората компанија на листата на банката ЏП Морган Чеjс, која во секунда остварува приход од 782,14 долари, додека Вол-Март, кој се наоѓа на врвот на Фортуна 500 графиконот како бренд број еден, е со приход од 431,43 долари во секунда, но се уште е пред Интел, кој заработува 326,22 долари во секунда.