Во Црна Гора 4.200 компании се во сопственост на странци.

При тоа во 32% од случаите сопствениците се  Руси, 18.7% се од Србија, а 4.9% од БИХ, покажуваат податоците на Заводот за статистика.

Бројот на граѓани од Украина кои поседуваат компании во земјата се зголемува од година во година и изнесува 10.6%.

Најголем број од компаниите со сопственици странци се во Подгорица и тоа 25,8%, во Будва се 21.8%, Бар 19.4%, и Херцег Нови 12%.

Овие фирми се занимаваат со трговија на големо и мало и поправка на возила и тоа 22.6%, градежништво 14.3%, стручна, научна и техничка дејност 15.3%, и работа со недвижнини 8%.

Ако се земе вкупно, најголем дел од компаниите ги управуваат граѓани од Русија и Србија.

Фирми кои се во сопственост на граѓани од Италија и Кина се концентрирани на продажба на големо и мало и поправка на моторни возила.

Газдите од БИХ стопанисуваат со фирми кои се од градежниот сектор.