Во мај годинава Македонија  ја посетиле над 60.000 странски туристи.

Меѓу нив 22.793 биле од Турција, 4.092 од Србија и 3.589 од Бугарија и тие се најбројни.

Податоците на Државниот завод за статистика, покажуваат дека бројот на странските туристи во мај бележи раст од 5,1%.

Вкупниот број туристи изнесува 86.234 во мај годинава и тие оствариле 172.355 ноќевања. Најпосетени места во земјава биле Скопје и езерските места.

Во периодот јануари-мај 2016 година, во однос на тој период лани бројот на туристите е зголемен за 11,1 %  и тоа кај домашните туристи има зголемување за 12,5 %, а кај  странските за 10,4%.

Во периодот јануари-мај 2016 година, во однос на тој период од минатата година, бројот на ноќевањата е зголемен за 12,2% и тоа кај домашните туристи има зголемување за 19,1%, а кај странските има зголемување за 8%.