Канада во септември отвори 67.000 работни места, највеќе во последниве четири години, но стапката на невработеност остана иста 7%.  

Се работи за работни места со скратено работно време. Економистите предвидуваа дека ќе бидат отворени само 7.500 работни места, пишува Франс прес. 

Највеќе работни места се отворени во Квебек, Алберта и Њу Брунсвик. 

Најголем дел од вработените се на возраст од 55 години и повеќе. 

Тие се ангажирани во секторите транспорт, складирање, и образовни услуги. 

Во секторот здравство и социјална помош има пад на вработеноста. 

Сепак, новите работни места не ја намалија невработеноста затоа што има многу други луѓе кои се придружиле на пазарот на труд да бараат работа.