Германската индустрија губи околу 15.000 работни места месечно.

Германската индустрија, која со децении беше симбол на економската сила на најголемата европска економија, се соочува со еден од најголемите предизвици во последните години.

Според податоците од Федералната агенција за труд, бројот на вработени во индустријата се намалил за дури 177.000 во периодот што завршува во декември 2025 година.

Индустрискиот сектор во Германија сè уште вработува околу 6,5 милиони луѓе, но новите податоци потврдуваат дека процесот на реструктуирање ќе продолжи брзо во текот на 2026 година.

Најголема загуба на работни места е забележана во автомобилската индустрија и меѓу нејзините добавувачи, каде што се намалени 52.000 работни места.

Во исто време, секторот за преработка на метали изгуби уште 24.000 вработени, додека машинската индустрија го намали бројот на работници за 28.000.