Грчките граѓани на државата должат речиси 89 милијарди евра.

Финансиските аналитичари се плашат дека долговите до крајот на 2016 година може да пораснат и до 95 милијарди евра.

Висината на неисплатените долгови кон Управата за јавни приходи е еднаква на половина од грчкиот домашен бруто-производ.

Долговите се нагло зголемени од почетокот на кризата досега. Ако на крајот на 2009 година граѓаните должеле 30 милијарди евра, тој долг сега е зголемен за речиси 60 милијарди.

Според „Катимерини“, меѓу должниците се и јавните компании кои должат осум милијарди евра, долгот на банкротираните фирми е скоро 13 милијарди евра, 63 милијарди евра должат правни и физички лица и други.

Проценките се дека граѓаните и бизнисите поради финансиската криза и новите даноци сè помалку имаат заштеди и средства да ги плаќаат долговите и даноците навреме.

Како што се зголемуваат долговите и како што ќе почнат да се ззголемуваат новите даноци и да се појавуваат нови сметки за плаќање. Прогнозите се  дека така ќе продолжи и порастот на долговите кон државата.