Продажбата на нафта во САД од јануари до август оваа година му донела на Мексико 4,962 милијарди долари. 

Ова се вели во извештајот на Министерството за трговија на САД, а извадоци од него цитира мексиканската радио станица "Нотисиас МВС".

За наведеното време Мексико му продала на својот северен сосед вкупно 147,7 милиони барели. 

Земјата е рангирана на четвртото место меѓу давателите на нафта за САД. Пред Мексико се Канада, која  извезе 711 милиони барели, Саудиска Арабија - 271 милиони барели и Венецуела - 185 милиони барели. Во 2015 година Мексико достави на американскиот пазар 253 милиони барели.

Од јануари оваа година мексиканското "црно злато" поевтини до 18,90 долари за барел и тоа е најниска вредност во последните 14 години. Во моментов неговата цена е околу 40 долари.

САД е првиот трговски партнер на Мексико.