Американците се подготвуваат за комерцијалниот празник Халовин за кој според проценките на финансиските институции ќе потрошат неверојатни 9 милијарди долари за маски и костуми.

Празникот Халовин е инспириран од верскиот празник Сите Светци, но со текот на времето добива чисто комерцијална природа и нема никакви религиозни мотиви. На 31 октомври дечињата се маскираат и одат по куќите во соседството да собираат слатки и чоколатца. 

Халовин е омилен и за возрасните кои одат на ноќни забави маскирани на креативни начини. Празникот е одличен за трговците и угостителите поради огромниот промет, но и поради најавата на празничната сезона во САД која трае до Божиќ.