Просечната месечна исплатена бруто-плата по вработен во јули 2016 изнесува 32 837 денари. 

Просечната месечна исплатена нето-плата истиот месец била 22 334 денари.

Ова се податоци кои денеска ги објави Државниот завод за статистика. 

Индексот на просечната месечна исплатена бруто-плата и нето плата по вработен, во јули годинава во однос на јули 2015 лани изнесува 102.2.

Ова зголемување е резултат  пред сѐ, на зголемувањето на просечната месечна исплатена бруто-плата по вработен во секторите: градежништво (9.1%), административни и помошни услужни дејности (6.4%) и  земјоделство, шумарство и рибарство (6.2%).

Зголемување на просечната месечна исплатена бруто-плата по вработен, во однос на претходниот месец, е  забележано во секторите: трговија на големо и трговија на мало; поправка на моторни возила и мотоцикли  (3.4%), преработувачка индустрија (3.3%) и административни и помошни услужни дејности (2.0%).

Во јули 2016 година, 1.6% од вработените во Република Македонија не примиле плата.