На крајот на вториот квартал oд годинава, бруто надворешниот долг на Република Македонија изнесува 7.781 милион евра, објави Народната банка на Република Маедонија. 

Нето надворешниот долг, на крајот на вториот квартал е 2.951 милион евра и забележа квартален раст од 180 милиони евра, главно заради поизразено намалување на јавните нето-побарувања (за 143 милиони евра), надополнето со растот на приватниот нето-долг (за 38 милиони евра). 

Негативната нето меѓународна инвестициска позиција , на крајот на вториот квартал од 2017 година, изнесува 5.990 милиона евра, при што и натаму најголемиот дел (78,6%) од овој износ се нето-обврски врз основа на директни инвестиции, од кои 73% се врз основа на сопственички капитал.