За оние кои сакаат патувања, но кои се свесни за буџетот, постојат бројни земји низ целиот свет кои нудат исклучителна вредност за парите - места кои воодушевуваат и инспирираат, а воедно остануваат достапни.

Европа има многу такви дестинации, а меѓу шесте земји што британското списание „Тајм аут“ ги издвои како најповолни, се најде и Босна и Херцеговина(БиХ), како и една земја од регионот.

Овие прифатливи дестинации комбинираат фокус на вредност за парите и целокупна достапност.

„Западна Европа не се истакнува во ова прашање, додека источниот дел од континентот го носи најголемиот дел од товарот“, пишува Time out.

Прва на листата е БиХ и според ова списание, малку земји можат да ѝ парираат.

Сараево и Мостар се сè уште релативно достапни, но вистинската вредност лежи во другите делови од земјата, особено во централниот регион. Травник е вистински бисер, мал град полн со прекрасна архитектура и најдобра скара во земјата, додека речиси е неверојатно што Јајце сè уште не е преплавено со туристи.

Втора е Литванија.  На листата се најде и земја од регионот - Србија. Градови како Краљево и Нови Пазар се богати со историја, додека љубителите на 20-от век ќе најдат многу интересни работи во Крагуевац, Ужице и пошироко. Северниот регион Војводина останува убав како и секогаш, а Суботица и Зрењанин комбинираат култури, архитектонски стилови и кулинарско наследство, пренесува Biznis.ba.

foto Wikipedia/ Igor Trklja