Во еден од најпосетените туристички центри во Бугарија,  "Златните Песоци", треба да се издвојат по 5 евра за чадор и лежалки. Туристите кои сакаат дополнителна удобност, исто така, можат да платат 2,5 евра дополнително за душек.

Во одморалиштето "Св. Константин и Елена" цената за чадор и лежалки е 3,25 евра Поголемите чадори се 4 евра. Има и плажи каде сенката чини двапати повеќе.

Поевтино е на градските плажи во Варна, каде што цената на чадори и на лежаки е 2,5 евра Засега не се очекува зголемување, бидејќи цената е фиксна во договорите за закуп и концесија на плажите и тие не можат да бидат променети.

Најниски се цените на плажата "Кабакум - Север" крај Варна, каде за лежалки и чадор се плаќа по 1 евро.

Многу од гостите избираат да го поминат своето време на плажа во слободната зона, која е бесплатна.

На варненските плажи слободната зона е над 50% и и тоа не смее да биде узурпирано со наплата. Мобилните групи на Министерството за туризам внимаваат постојано ова барање да се почитува и наметнуваат тешки казни за прекршителите.

Според договорите за концесии склучени од Министерството за туризам, најчестите цени не надминуваат 2,5 евра. 

Во такви граници се движат цените на плажите Крапец-север (Дел 3), кампување Добруџа, Каварна (Дел 3), Моби Дик, Лајка-Север, Буните, Офицерски, Варна-централен, Козлука , Несебар-Стар град (објект под заштита на УНЕСКО), Равда-НСА, Поморие-исток, Сарафово, Смокините-север, Аркутино, Бутамјата и други. 

Постојат плажи и со пониски цени, посочуваат од Министерството за туризам - пример Бургас-северен (0,6 евра.), Варна Кабакум-север, дел 1 (1 евро.), Шкорпиловци-југ (1 евро.) и др . Најниската цена за чадор е прогласена на кампот Нестинарка - 0.18 евра., ЗНајвисоката пак за чадор е на Перла - 13 евра, а за лежалки таму се плаќа по 5 евра, додека цената за пакет од 2 лежалки и чадор е 15 евра.