Републичкиот геодетски завод денес објави дека растот на пазарот на недвижности во Србија продолжил и на крајот од 2025 година, па вкупната вредност на прометот на пазарот на недвижности во четвртиот квартал од минатата година изнесувала 2,4 милијарди евра.

Најголем удел во вкупната вредност на тргуваните недвижности има продажбата на станови со 1,4 милијарди евра, со учество од 61 процент од вкупниот промет.

Вкупно 768,5 милиони евра се издвоени за станови во Белград, пишуваат медумите во соседството.

Најголемиот износ на средства издвоени за стан на територијата на градската општина Савски Венац, со вкупна површина од 90 квадратни метри, е 1,4 милиони евра, додека најскапиот квадратен метар е продаден по цена од 15.298 евра, исто така на територијата на таа градска општина.

Најскапата куќа е продадена на територијата на градската општина Савски Венац за еден милион евра. Најскапиот гаражен простор во четвртиот квартал беше платен за 60.000 евра.

189 милиони евра (осум проценти од вкупната вредност) беа издвоени за куќи, 176 милиони евра (седум проценти од вкупната вредност) за градежно земјиште, 109 милиони евра (пет проценти од вкупната вредност) за деловни простории и 73 милиони евра (три проценти од вкупната вредност) за земјоделско земјиште.