Во хрватската престолнина платите надминаа 1.700 евра. 

Просечната месечна нето плата исплатена по вработен кај правни лица во Град Загреб за јануари оваа година изнесувала 1.703 евра, што е номинален пораст од 0,6 проценти во споредба со декември 2025 година и пораст од 8,9 проценти во споредба со јануари 2025 година. Податоците ги објави Градскиот завод за статистика.

Медијалната нето плата за јануари оваа година изнесувала 1.472 евра, што значи дека половина од вработените во Загреб имале помалку, а половина повеќе од тој износ.

Според податоците од Градската канцеларија за економија, одржливост на животната средина и стратешко планирање, највисоката просечна месечна нето плата кај правните лица за јануари 2026 година е исплатена во дејноста вадење сурова нафта и природен гас, во износ од 2.628 евра.

Најниската просечна нето плата е исплатена во производството на облека, во износ од 1.030 евра.

Во споредба со просечната месечна плата за јануари годинава на ниво на Хрватска, која изнесуваше 1.511 евра, просечната нето плата во Загреб исплатена за тој месец беше повисока за 192 евра. Илјадници македонски граѓани работат во Хрватска.