Инфлацијата ги натера луѓето да штедат, а таков е случајот и со Словенија. 

Половина од жителите на оваа земја ги намалиле животните трошоци.  Плус уште 30 отсто од словенечките граѓани планираат да го сторат тоа во наредните месеци, покажува истражувањето на РТВ Словенија на Институтот Медијана. Но, 21 процент рекле дека не планираат да ги намалат трошоците за живот. Повеќе од четвртина од анкетираните се изјасниле дека живеат удобно, а повеќе од половина не живеат ниту удобно ниту тешко. Понатаму, 15 отсто рекле дека живеат лошо. Мнозинството од испитаниците во Грција и Ирска веќе ги намалиле трошоците. Во Србија 36 отсто кажале дека едвај преживуваат. Поскапувања има насекаде.  Цените на производите и услугите за лична потрошувачка, мерени преку индексот на потрошувачките цени лани во Црна Гора биле во просек повисоки за 13 отсто, во однос на 2021, покажуваат податоците на „Монстат“.

foto freepik.com/Rawf8.com