Трошоците за живот се на врвот на грижите на Германците.

Трошоците за живот се на врвот на грижите на Германците по 15-ти пат, според резултатите од долгорочна студија што се објавува секоја година.

Околу 52 oтсто од жителите се загрижени дека намирниците, киријата и другите основни трошоци ќе поскапат, покажа репрезентативната анкета наречена „Грижите на Германците“.

Ова значи дека трошоците за живот се најитната грижа за Германците 15 пати откако беше започната студијата во 1992 година.

Стравувањата дека државата може да биде преоптоварена од доаѓањето на нови бегалци се рангирани на второ место меѓу најголемите грижи на Германците, проследени од стравовите од зголемување на даноците и намалување на социјалните бенефиции.

Авторите на студијата откриле дека нивото на загриженост малку се намалило во сите области во споредба со минатата година, на најниско ниво од 2021 година.

Долгорочната студија е нарачана од R+V Insurance. За овогодинешното истражување, анкетарите интервјуираа околу 2.400 луѓе на возраст од 14 години и повеќе помеѓу мај и јули.

foto freepik.com