Властите годинава очекуваат раст на БДП од 3.7 отсто. 

„Очекуваме економски раст од 3,7 отсто на БДП до крајот на годината, а голема улога во овој раст имаат капиталните расходи кои изнесуваат над 800 милиони евра годинава, како и инвестициите во инфраструктурата во општините“, изјави вицепремиерот и министер за транспорт, Александар Николоски, во гостувањето во емисијата “Став на регионот” на ТВ Њузмакс Балкан.

Неговиот ресор како што вели е главниот двигател на капиталните расходи. 

„Влеговме доста амбициозно како Влада и сметаме дека капиталните расходи се срцето на економскиот раст на Македонија. Оваа година очеуваме 3, 7 отсто економски раст од БДП, што ќе биде убедливо најголем раст во регионот. Сакаме да ја вратиме Македонија на старите патеки кога бевме шампиони во економски раст и тоа веќе успеавме да го направиме во втората половина на минатата година, а ова е прва наша целосна година и ќе се видат резултатите”, рече Николоски.

Кажа дека Македонија во моментов е претворена во големо градилиште, каде со владина поддршка со 350 милиони евра за општините се реализираат повеќе од 1.200 проекти.

фото Фејсбук/Александар Николоски