Кирил Колемишевски со одлука на седница на Владата на Република Македонија беше избран за нов член на Надзорниот одбор на Македонска банка за поддршка на развојот АД Скопје. 

Одлуката која е донесена пред речиси шест месеци неодамна е одобрена и од страна на Димитар Богов, гувернерот на Народна банка на РМ.

Главни активности на МБПР се промоција на извозот преку кредитирање и други форми на поддршка, обезбедување на поддршка за развојот на малите и средни трговски друштва преку одобрување на инвестициски кредити, како и осигурување на наплатата од извршениот извоз од комерцијални ризици на краток рок.

Кирил Колемишевски кој на јавноста и е многу повеќе познат како член на бендот „Нокаут“ е искусен адвокат кој се занимава со стопанско право.