Американскиот производител на безалкохолни пијалоци „Кока-Кола Компани“ објави дека нејзиниот сегашен главен оперативен директор Енрике Браун ќе ја преземе функцијата извршен директор на 31 март 2026 година. Браун ќе го замени долгогодишниот лидер Џејмс Квинси.

Браун, кој е во компанијата од 1996 година, исто така ќе биде номиниран во одборот на директори. Квинси ќе продолжи да работи во компанијата како извршен претседател.

Квинси ја води Кока-Кола од 2017 година. Тој период, според CNBC, беше обележан со реструктуирање на системот за флаширање, реорганизација на портфолиото и фокус на категориите на пијалоци што потрошувачите ги сметаат за поздрави.

Сепак, компанијата се соочува со послаба побарувачка за газирани сокови, особено кај потрошувачите со пониски приходи.

Фокус на растот и навиките на потрошувачите

За време на мандатот на Браун, се очекува Кока-Кола да се фокусира повеќе на можностите за глобален раст, да се обиде подобро да се прилагоди на навиките на потрошувачите и дополнително да ја подобри технологијата.

Во последните квартали, Кока-Кола го надмина ПепсиКо, а нејзиниот водечки бренд ја задржа својата позиција како најпродавана газирана вода во САД.

Дополнително, Спрајт на Кока-Кола го надмина Пепси на ПепсиКо и стана третиот најпродаван газиран пијалок во земјата.

Акциите на Кока-Кола пораснаа за 13 проценти од почетокот на годината, додека ПепсиКо паднаа за повеќе од 1 процент.