Цените на добрата и услугите во Хрватска бележат раст од 4,8 отсто на годишно ниво. Хрватска има највисока инфлација во еврозоната.

Цените на добра и услуги за лична потрошувачка во Хрватска, измерени со индексот на потрошувачки цени, во март 2026 година се зголемени за просечно 4,8 oтсто во однос на март 2025 година, а во однос на февруари 2026 година пораснале за 1,4 отсто, соопшти Државниот завод за статистика (ДЗС).

Според главните компоненти на индексот, енергетските производи бележат раст од 11,3 отсто на годишно ниво, услугите пораснале за 7,8 отсто, храната, пијалоците и тутунот за 3,9 отсто, додека индустриските непроизводни продукти без енергија бележат пад од 0,6 отсто. 

На месечно ниво, енергијата пораснала за 5 отсто, индустриските непроизводни продукти без енергија за 1,5 отсто, услугите за 0,7 отсто, а храната, пијалоците и тутунот за 0,1 отсто.

Хрватска бележи највисока стапка на инфлација во еврозоната. Според податоците на Еуростат, во март 2026 година, земјата имала најголем пораст на цените, следена од Литванија со 4,5 отсто. 

Крајните податоци на индексот на потрошувачки цени за март 2026 година ќе бидат објавени на 16 април 2026 година.

Министерот за финансии, Томислав Ќориќ, го коментира последниот извештај за инфлацијата, нагласувајќи дека растот на цените е резултат на глобалниот пораст на цените на енергенти и секторот на услуги, додека индустриските производи бележат пад на цената.

Тој истакна дека Хрватска ќе има повисока стапка на инфлација од просекот на еврозоната и дека ова е делумно неизбежен увезен инфлаторен шок. Министерот потенцира дека економијата на земјата е подготвена и функционира нормално, а причината за порастот на цените е и во тековните конфликти на Блискиот Исток.

foto freepik.com