Која европска земја има најмногу млади невработени?
Шпанија има најмногу невработени млади луѓе во Европската Унија(ЕУ).
Оваа земја регистрираше највисока стапка на невработеност кај младите во октомври, од 25,3 проценти. Само Шведска и Финска ја надминаа границата од 20 проценти, со 24,2 и 22 проценти од невработените граѓани под 25 години, соодветно.
Во октомври, само Германија и Холандија, според податоците на Евростат, регистрирале едноцифрена стапка на невработеност кај младите, од 6,6 и 9,0 проценти, соодветно. Хрватска, Белгија, Кипар, Романија и Словенија објавуваат квартални податоци за невработеноста кај младите. Во третиот квартал, Хрватска регистрираше стапка на невработеност од ревидирани 17,8 проценти во оваа возрасна група, со 20.000 млади невработени.
Во возрасната група до 25 години, стапката на невработеност во еврозоната во октомври изнесуваше 14,8 проценти, а на ниво на ЕУ изнесуваше 15,2 проценти, исто како и во претходниот месец, според ревидираните податоци.
Невработеноста во еврозоната беше стабилна во октомври, а во Хрватска малку се намали, спуштајќи се уште подлабоко под европскиот просек, покажа извештајот на Европскиот завод за статистика Eвростат во вторник.
Во еврозоната, стапката на невработеност, мерена според методологијата на Меѓународната организација на трудот (МОТ), изнесуваше 6,4 проценти во октомври, како и во претходните пет месеци, според ревидираните пресметки на Евростат.foto freepik.com
Слично
Поврзани вести
