Богатството на супербогатите порасна на околу 13,6 трилиони евра во рок од една година - зголемување од 13 проценти во споредба со 2024 година, според пресметките на швајцарската глобална банка UBS.

Во анализата, банката ги зема предвид готовината, хартиите од вредност, акциите во компаниите, недвижностите и другите материјални средства.

Оваа огромна сума се распределува меѓу сè поголема група луѓе. UBS сега брои 2.919 милијардери, а минатата година беа 2.682.

Покрај тоа, 91 лице станале милијардери преку наследство. Мажите се значително побројни меѓу супербогатите - 2.545 милијардери се мажи, а 374 се жени.

Во Германија, бројот на милијардери се зголемил за една третина, на 156. Германија има повеќе милијардери од која било друга европска земја. Четвртина од нив влегле во клубот на супербогати самостојно.

Милијардерите во Германија успеаја да го зголемат своето богатство во споредба со претходната година за околу 134 милијарди евра, на вкупно околу 635 милијарди евра. Германија е „најбогатиот регион во Западна Европа“.

Германија е лидер во неколку индустриски сектори - од фармацевтската индустрија, преку машинската индустрија, до стоките за широка потрошувачка - и обезбедува широка основа за претприемачки успех.

Исто така, во Германија постои силна традиција на наследување богатство. Само оваа година, 15 членови на две фармацевтски семејства наследија многу пари, пренесува Слободна Босна.

foto freepik.com