Расте свеста кај населението за штедење преку купување полиси од животно осигурување а овој резултат го покажуваат податоците кои ќе ви ги презентираме подолу.

„Кроација осигурување – живот“ лани остварила нето приход од премија што е за 24 отсто повисок од приходот што го оствари претходната година, покажуваат официјалните податоци од извештајот на независната ревизија. 

Минатата година таа компанија на нето основа од приход од премија инкасирала 12,5 милиони евра и тоа е за 2,4 милиони евра повеќе во споредба со 2017 година.

Во однос на добивката „Кроација –живот“ лани остварила сума од 573.000 евра и тој резултат е за 20 отсто подобар од претходната година кога профитот бил за 94.000 евра понизок.