Претседателот на Србија, Александар Вучиќ денеска во разговори со претставниците на пратеничките листи ќе ги заврши консултациите за идниот премиер.

Тој најпрво, во зградата на Претседателството, ќе се сретне со претставници на коалицијата НАДА, која ја сочинуваат Новата демократска партија на Србија и Движењето за обновување на кралството Србија на Воислав Михаиловиќ.

Тој потоа ќе разговара со претставници на листата на Социјалистичката партија на Србија, а потоа, како што соопшти неговиот кабинет, со коалицијата Обединети за победа на Србија.

На изборите во април на листата Обединети за победа на Србија се најдоа Народната и Демократската партија, кои претходно најавија дека нема да одговорат на поканата, додека пак Партијата на слободата и правдата најави доаѓање.

На таа листа, предводена од Мариника Тепиќ, се најдоа и Демократскиот сојуз на Унгарците од Војводина, Партијата на Македонците на Србија, Движењето на слободни граѓани, Обединетите синдикати „Слога“, Движењето за пресврт, Движењето за слободна Србија и Влашка партија.

За 16 часот и 30 минути е најавен разговор со претставници на листата на Српската напредна партија.

Вучиќ ги започна консултациите на 14 јули.

Извор: Курир.рс, Бета.рс