Кој ќе биде наследник на Сашо Мијалков?
Поминаа повеќе од десет дена откако директорот на УБК, Сашо Мијалков заедно со поранешната министерка за надворешни работи Гордана Јанкулоска и министерот за транспорт и врски Миле Јанакиевски си поднесе оставка.
Според информациите кои ги пренесуваат дел од медиумите се дека на утрешната владина седница ќе биде усвоена оставката на Мијалков, а на седницата Владата ќе одлучува кој ќе го замени и новиот директор на Бирото за јавна безбедност, откако Митко Чавков застана на чело на МВР.
Неофицијално пак дел од медиумите, веќе ги објавуваат наследниците и на Мијалков и на Чавков. За бирото за јавна безбедност најмногу се споменува Горанчо Савевски, началник на СВР Скопје. А, за прв човек на тајната полиција, се споменуваaт имињата на Тони Јакимовски - шеф на кабинетот во УБК и Горан Грујевски - началник на т.н. Петта управа, која е задолжена за следење на комуникациите, а за кој опозициската СДСМ поднесе кривична пријава за неовластено прислушување.
Додека во јавноста се шпекулира дека оставката на Мијалков може воопшто да не биде прифатена, а во таа насока одат и барањата на поддржувачите на владејачката гарнитура.
Слично
Поврзани вести
