Портпаролот на Јавното обвинителство на РМ Елизабета Недановска потврди дека физичко лице поднело во Скопското обвинителство една кривична пријава против тројца обвинители од Специјалното јавно обвинителство и против неколку непознати лица, за кривично дело малтретирање во вршење на должноста.

Специјалната обвинителка Катица Јанева не знае кој поднел кривични пријави во Обвинителството, против кои лица во Специјалното обвинителство и зошто се поднесени пријавите.

Истовремено од специјалното јавно обвинителство ги отфрлаат обвинувањата дека дел од нивниот тим малтретирале лица додека ја вршеле нивната служба.

"Ако некој тврди дека му е вршен притисок, тоа треба и да го докаже. Ако има докази за такво нешто, слободно нека ги приложи"- велат од специјалното обвинителство, од каде тврдат дека цело време постапуваат според законите и Уставот.

Од таму велат дека допрва ќе треба да се истражи дали се работи за лажно пријавување и кои биле мотивите со тоа на подносителот на пријавата.