Вчера попладне до пратениците стигнало известување дека Владата го повлекува Законот за медиумски реклами, а токму за овој предлог требаше да се дискутира на денешната собраниска седница.

Порталот сакамдакажам.мк пренесе дека причина за оваа одлука на македонската Влада е многу  остро писмо од Европската комисија упатено токму до Владата.

Основната забелешка на Брисел била дека дека владиното рекламирање би имало силно влијание врз медиумскиот пазар, во кој Владата и досега беше најголем огласувач.

Писмото за повлекување на Законот до спикерот Трајко Вељаноски го пратил вицепремиерот Никола Тодоров, без образложение зошто го бараат тоа  a пред три дена на собраниска комисија министерката з аинформатичко општество Марта Томовска Арсовска го бранеше решението како еропско со кое ќе се стави ред во рекламирањето.

Опозицијата пак реагираше дека со ваков закон се легализира корупцијата во медиумите и најави дека ќе го оспори со 500 амандмани.