Златните резерви на сите земји во светот изнесуваат 32.803 тони.

Државите од еврозоната заедно со  „ЕЦБ" имаат 10.786 тони златни резерви.

Податоците на Светскиот совет за злато говорат дека 20-­те земји со најголеми златни резерви денес поседуваат вкупно 25.923 тони злато, што претставува 79.03% од вкупните резерви.

Најбогатите држави со злато кои се седум располагаат со над 1.000 тони. Прва е САД со 8.133 тони, а зад неа се Германија со 3.378 тони, Италија и Франција со 2.451 и 2.435 тони. Двете земји кои купуваа најмногу злато годинава се Кина и Русија, а можат да се пофалат со 1.828 и 1.498 тони злато, додека Швајцарија има 1.040 тони.

Златните резерви на Кина на крајот на јули се проценети на 78.89 милијарди долари, или за 2% повеќе во однос на 77.4 милијарди долари на крајот на јуни, информираа неодамна од „Bank of China". Со сегашните стапки на купувања за 3­4 години Кина ќе ги надмине Италија и Франција и ќе го заземе третото место во светот. Помалку од 1.000 тони злато имаат Јапонија, Холандија и Индија, додека Турција се наоѓа на 11­-та позиција. Во топ 20 влегуваат Тајван, Португалија, Саудиска Арабија, Велика Британија, Либан, Шпанија, Австрија, Казахстан и Белгија.

На глобално ниво последниве месеци скока побарувачката на злато.