Од мноштвото домашни производители на млечни производи лани само еден имал профит што надминува еден милион евра, а само две компании имале приход од продажба поголем од 10 милиони евра.

Македонија лани имала 13 компании специјализирани за производство на производи од млеко и сирење кои работеле со добивка , секоја од нив направила приход од најмалку 2 милиони евра, и оствариле вкупен приход што надминува 110 милиони евра. Оваа индустрија е многу значајна за расположението на домашните фармери чие расположение или поточно речено негодување често во нашето живеење создавало главоболки на владеачките гарнитури.

Иако сме увозно зависни за млеко и млечни производи сепак во нашата млечна индустрија има „тешкаши“ од кои еден е регионален голем играч на пазарот на млечни проиводи и сирења. Структурата на приходите на наголемите 16 млекарски компании покажува дека само две од нив имаат приходи поголеми од 10 милиони евра, а една од нив во приходот на сите 16 големи млекарници учествува со повеќе од 40 отсто.

„Млекара Битола“ е убедливо најголемата и најсилната домашна компанија во дејноста производство на млечни производи и сирење. Оваа и историски гледано со децении наназад важи за најголема домашна компанија во оваа индустрија. Лани нејзиниот приход изнесувал 48 милиони евра и е за 24 отсто поголем од 2018 година. Нејзината добивка е 2,9 милиони евра и е за 29 отсто повисока од претходната година.

Втора најголема компанија од оваа индустрија е Здравје Радово, сопственост на битолскиот агрокомбинат „Пелагонија“. Ова друштво лани има приход од 10,9 милиони евра што е за 44 отсто послаб резултат од 2018 година. Мината година ја завршиле со загуба од 1,8 милиони евра.

Во големата тројка, ако така може да се каже макар и условно, е кумановската млечна индустрија Бучен Козјак фирма сопственост на две домашни физички лица: Снежана Станојковиќ и Слободан Стојковски. Ова друштво лани книжи раст на приходите за 23 отсто до износ од 8,5 милиони евра и 281.000 евра профит што е пад за 40 отсто во однос на претходната година.

Следен е Лацталис Мк, аквизиција на хрватски „Дукат“ со приход од 6,7 милиони евра што е раст од 19 отсто и профит од 72.000 евра. Најблизу е друга компанија поседувана од странската фирма „Суташ“ од Турција. Тоа е скопската млекарница Евро Млекара. Лани нејзините приходи изнесуваат 5,9 милиони евра што е за 11 отсто повеќе од 2018 година, а друштвото завршило со загуба од 3,8 милиони евра.
Со приход повисок од 5 милиони евра лани била уште само Сентисаг млекарница сопственост на Сервет Ќазими со приход од 5,6 милиони евра и добивка од 42.000 евра. Интересно е тоа што исто како и кај „Бучен Козјак“ и Сентисаг има раст на приходите, а пад на добивката.

Во поголемите домашни млекарници се и следниве компании: