Кои се десетте најдобри земји за пензионери?
Резултатите што ги постигнуваат граѓаните по пензионирањето значително се разликуваат меѓу развиените земји, а структурата на пензиските системи, достапноста на здравствена заштита, трошоците за живот и целокупниот квалитет на животната средина играат клучна улога.
Според Глобалниот индекс за пензионирање на Natixis за 2025 година, земјите се рангираат врз основа на четири клучни сегменти: финансиска сигурност во пензионирањето, материјален стандард, здравствена состојба и квалитет на живот. Овогодинешното истражување ја потврдува континуираната доминација на европските земји, додека северноамериканските земји забележаа пад на глобалната листа.
Индексот Natixis вклучува 18 индикатори распоредени во четири главни категории:Финансиска стабилност во пензија - одржливост на пензискиот систем, инфлација и движење на каматните стапки
Материјален стандард - приход по глава на жител, ниво на вработеност и распределба на приходите
Здравје - очекуван животен век, инвестиции во здравствениот систем и достапност на медицински услуги
Квалитет на живот - состојба на животната средина, ниво на задоволство од животот и зачувување на природните ресурси
На врвот на листата за 2025 година е Норвешка, која со вкупен резултат од 83 проценти ја потврдува својата долгогодишна репутација како една од најстабилните земји за живот по работниот век. Комбинацијата од силен пензиски систем, висок животен стандард и квалитетна животна средина се покажа како клучна предност.
Веднаш зад неа се Ирска и Швајцарија, чие рангирање одразува стабилни економии и развиени здравствени системи. Ирска особено се издвојува, која во последните десет години направи значаен чекор напред - од средината на табелата стигна речиси до самиот врв.
Значаен напредок постигна и Сингапур, кој се искачи од 25-то место во 2015 година на 13-то место, благодарение на силните финансиски индикатори и високите приходи на населението, пренесува bankar.me.За разлика од Европа, земјите од Северна Америка постигнуваат послаби резултати во споредба со другите развиени економии. Соединетите Американски Држави се на 21-то место, каде што вкупниот резултат е ограничен од високите трошоци за здравствена заштита и растечкиот јавен долг, и покрај силните финансиски пазари и високите приходи.
Во Канада, еден од најголемите предизвици е достапноста на домување, што сè повеќе ги оптоварува пензионерите. Земјата, исто така, забележа најголем годишен пад на листата, губејќи седум позиции и паѓајќи на 20-то место.
На 10-то место се најде Словенија.
Слично
Поврзани вести
