Мобилниот даночен шалтер на УЈП во јуни ќе посети десетина населени места.

На 7 јуни ќе бидат во општина Карбинци, на 8 во Долнени, на 9 во Лозово, на 10 во Кривогаштани, на 15 во Чашка, на 16 во Житоше, на 23 пак во Лозово, на 24 во Дебреште и Зрновци, а на 27 јуни во Липково. Средбите ќе бидат пред општинските згради или во центарот на селото од 10 до 15 односно од 10 до 14.30 часот.

Граѓаните и фирмите, без да го напуштат своето место на живеење или седиште, можат да ги добијат сите даночни услуги и информации преку мобилните шалтери, да ги достават сите видови на даночни пријави, барања, како и да ги подигнат сите документи што ги издава Управата за јавни приходи.