Податоците на Евростат за 2025 година покажуваат значителни разлики во економскиот стандард меѓу членките на Европската Унија, мерено преку БДП по жител според куповната моќ.

На врвот на листата е Луксембург, додека на дното се Бугарија и Грција, со разлика од околу три и пол пати помеѓу најбогатите и најсиромашните. Заедно со Луксембург, се издвојува и Ирска, додека Холандија, Данска и Австрија исто така бележат висок стандард.

Германија, Белгија, Шведска, Малта и Финска се исто така над просекот. Од најголемите економии, само Германија е над просекот, Франција е околу просекот, додека Италија и Шпанија се под него. Во групата земји со понизок стандард се Хрватска, Латвија, Словачка и Унгарија, додека Романија и Естонија се поблиску до просекот. Полска и Португалија се меѓу пониско рангираните.

Просечниот БДП по жител во ЕУ изнесувал околу 41.600 евра. Сепак, високите вредности во Луксембург и Ирска се делумно резултат на специфични фактори - голем број странски работници и присуство на мултинационални компании. Поголемиот дел од граѓаните на ЕУ живеат во земји под просекот, бидејќи само 10 од 27-те земји-членки се над него. Земјите кандидати заостануваат уште повеќе: Србија е на околу 52 проценти од просекот на ЕУ, Босна и Херцеговина на 35 проценти, Албанија и Северна Македонија на околу 42 проценти, Црна Гора на 53 проценти, додека Турција е поблиску до просекот од околу 72 проценти, пренесува Каматица.

Иако БДП често се користи како мерка за богатство, експертите истакнуваат дека реалната индивидуална потрошувачка е попрецизен показател за животниот стандард на граѓаните.

foto freepik.com