Просечната материјална благосостојба на домаќинствата во Европската Унија(EУ) значително се разликува и е највисока во Луксембург, а најниска во Латвија, објави денеска Заводот за статистика на ЕУ (Евростат). Нивоата на реална индивидуална потрошувачка (RPC) во 2024 година во земјите од ЕУ варираат помеѓу 72 и 146 проценти во споредба со просекот, кој беше утврден на 100.

Луксембург е лидер со ниво од 46 проценти над просекот на Европската Унија, по што следуваат Холандија (20 проценти) и Германија (19 проценти).

Најниски нивоа на БДП по глава на жител се забележани во Латвија (28 проценти под просекот на ЕУ), Бугарија и Унгарија (и двете по 27 проценти).

Највисок БДП по глава на жител повторно е забележан во Луксембург (245 проценти од просекот на ЕУ), по што следат Ирска и Холандија (134 проценти).

БДП по глава на жител се изразува во стандарди на куповна моќ и се користи како мерка за материјалната благосостојба на домаќинствата.

Минатата година, 10 земји регистрираа БДП по глава на жител еднаков или над просекот на ЕУ.

foto freepik.com