Хрватска беше меѓу земјите од Европската Убија(ЕУ) со највисок економски раст во четвртиот квартал од 2025 година, заедно со Кипар, покажаа новите проценки на Европскиот завод за статистика објавени денеска. 

Во периодот од октомври до декември, економската активност во Малта порасна најсилно на квартална основа, за 2,1 процент, пресмета Евростат. Литванија следи со раст од 1,7 проценти.

Хрватска е исто така веднаш зад неа, со сезонски прилагоден раст на БДП од 1,4 проценти во четвртиот квартал во споредба со претходните три месеци кога се зголеми за 0,4 проценти.

Ист процентен раст е забележан и во Кипар во периодот од октомври до декември, покажува извештајот.

Четири земји забележаа пад на активноста, предводен од Ирска, каде што се намали за 3,8 проценти. Романија со намалување на активноста втор квартал по ред, од 1,9 проценти е во рецесија.

Во Естонија и Луксембург, економската активност се намали за 0,1 процент, а во Австрија стагнираше.

Сезонски прилагодениот бруто домашен производ (БДП) во еврозоната се зголеми во четвртиот квартал за 0,2 проценти во споредба со претходните три месеци кога се зголеми за 0,3 проценти, покажуваат ревидираните пресметки на Евростат, пренесе Пословни.хр.

foto freepik.com