Вкупно 20.290 странски туристи ја посетиле Македонија во декември минатата година, а оствариле 41.129 ноќевања, покажуваат податоците на Државниот завод за статистика. Ова е зголемување на бројот на странски туристи за 21% во споредба со претходната година. Од нив, најбројни биле Грците 3.933, потоа Бугарите 2.617, Србите 2370, Турците 1907 и Албанците 1868. Најмногу туристи го посетиле Скопје 10.651, туристичките места во земјата 7.372, планинските 4.221 и бањите 1.443 туристи. Вкупниот број на туристи (и домашни и странски) во декември 2013 година изнесува 33.679, а бројот на ноќевањата изнесува 69 024. Но, бројот на домашните туристи во декември 2013 година, за разлика од странските, се намалил за 8,5 отсто во споредба со декември 2012 година.