Кога според Светска банка земјите од регионот ќе ги стигнат европските?
Ќе бидат потребни шест децении за нивоата на приход во земјите од Западен Балкан да ги достигнат оние на Европската Унија (ЕУ), ако економиите во регионот продолжат да растат со просечна брзина постигната помеѓу 1995 и 2015 година, се наведува во новиот извештај на Светска банка.
„Во изминатите години, земјите од Западен Балкан направија напори во реформи на јавните финансии и поттикнување на економскиот раст, но можеби граѓаните сѐ уште не ги почувствувале бенефитите од овој прогрес“ - рече Линда Ван Гелдер, директор за Западен Балкан при Светска банка.
Таа додаде дека фокусот на структурни реформи може да го забрза економскиот раст и зајакне приходите, така што нивото на приходи ќе го достигне она на Европската унија.
Реформите и макроекономската стабилност, кои може да овозможат просечно ниво на раст од пет проценти годишно, би им овозможиле на земијте од Западен Балкан да конвергираат кон ЕУ за само две децении, место за шест, се вели во извештајот.
Слично
Поврзани вести
