Најголемите нафтени компании веројатно побавно ќе влезат во инвестицискиот процес во Венецуела, изјави денеска американскиот министер за финансии Скот Бесент.

Тој истакна дека во тој период „независните нафтени компании веројатно ќе се движат многу побрзо“, објави Ројтерс.

Бесент додаде дека улогата на Министерството за финансии ќе биде да ги укине санкциите врз различни субјекти во Венецуела, додека нови санкции ќе бидат воведени врз други.

„А потоа Министерството за финансии ќе ја надгледува продажбата на нафтени средства“, рече тој.

Бесент истакна дека Министерството за финансии ќе ја процесира исплатата на средствата во Венецуела според упатствата на американскиот претседател Доналд Трамп и државниот секретар Марко Рубио.

foto freepik.com/jcomp