Санкциите нема да се укинат додека не се постигне договор меѓу Русија и Украина. 

Со ваков став излезе германскиот канцелар Олаф Шолц во интервју за магазинот „Штерн“. Вели дека  Москва „ќе мора да постигне договор со Украина“, додавајќи дека сојузниците имаат намера и ќе можат да ги укинат санкциите од ЕУ дури по договор меѓу Русија со Украина“.

Претходно, кабинетот на германскиот претседател соопшти дека украинскиот претседател Володимир Зеленски го поканил германскиот канцелар и претседател Франк-Валтер Штајнмаер да го посети, три недели откако Штајнмаер беше одбиен од Киев. Против Русија беа воведени серија санкции, со цел економски да биде казнета за војната во Украина.