Никос Коѕијас, министерот за надворешни работи на Грција оставил отворена можност за оставка по дуелот со колегата од ресорот за одбрана Панос Каменос, објавуваат грчките про-опозициски медиуми.

Ваквата реакција се должо по жестоката расправа на која Коѕијас му префрлил на Каменос дека не може да се меша во неговиот ресор и дека тој не е задолжен за надворешната политика на земјата.

Во моментов премиерот Алексис Ципрас е меѓу два огна. Од една страна Коѕијас е потписник на Преспанскиот договор, а од друга страна потребенм му е Каменос во владината коалиција како лидер на помалиот партнер „Независни Грци“.

Неизвесна е одрживоста на владината коалиција по овој вербален дуел во вторникот, кога Коѕијас порано го напушти премиерскиот кабинет по жестоката расправија, а допрва треба да има гласање за ратификација на преспанскиот договор без претходно да се одржат вонредни парламентарни избори до тогаш.