Србија ја потресе трагедијата во која животот го загубија две жени, кога се урна висечкиот пешачки мост на Западна Морава!

Во падот на мостот повредени се десет лица од група верници од Зворник и Челопек, кои преку овој мост поминале одејќи на аџилак, на патот до манастирот Ѓунис.

Сега на социјалните мрежи се појави видео за кое се тврди дека е направено еден месец пред уривањето на кое се гледа колку е ризично да се помине преку овој мост.

- Мостот е стар и мештаните знаат дека не е за употреба. И покрај тоа, луѓето го преминуваат, но секогаш одат во помали групи, по две-три лица. Овој пат група од 20, па и 30 луѓе одеднаш поминаа преку мостот и тој се преполови, па паднаа во реката - вели изворот на Курир.

Луѓето кои го преживеале овој хорор рекле дека свештениците ги предупредувале луѓето да не одат одеднаш, туку да се шират во групи, но за жал, не го слушале.

Курир.рс го контактирале шокирани жители од овој регион.

- Го фотографирав урнатиот мост во 2019 година и бев шокиран од неговата состојба. Тогаш мислев дека некој ќе се повреди и никој нема да одговара за тоа, изјави читателот на Курир.

Инаку, урнатиот мост кај Овчарската бања со години не беше во употреба, а се минуваше под лична одговорност, но само по строги правила, кои, за жал, ги знаеја само мештаните.

Курир.рс

Фото: Принтскрин