Жената Д.П. (35) која загина во собраќајната несреќа кај Бубањ поток, пред поаѓање од Грција инсистирала од патничката која седела на нејзиното место да ги заменат местата.

Настраданата жена дошла до патничката Н.Б. која седела во долниот дел на автобусот , барајќи од неа да седне на местото на кое после само десет часа добила тешки повреди од кои загинала, пренесува српски Курир.

„Пред да тргнеме за Белград, госпоѓата која седеше покрај мене инсистираше да ги замениме местата, убедувајќи ме дека таа го резервирала. За да не се расправаме, и излегов пресрeт и се преместив“, вели патничката Н.Б. која поминала со полесни повреди.

Според сознанијата на овој медиум, настраданата патувала со мајка си и ќерката. Засега нема информации за нивата состојба.

Едно лице загина, а 61 се повредени во тешката сообраќајна несреќа која се случи утрово околу 4.10 часот во Бубањ Поток, во Белград кога се преврте автобус. Според информациите, автобусот се враќал од Полихроно.

Меѓу повредените се 17 деца од кои 8 се пуштени на домашно лекување. Од пет мали кои се задржани на болничко лекување едно дете се наоѓа во животна опасност.

(Извор и Фото-Курир.рс)