Вчера припадници на СВР Битола заеднно со инспекциски служби од УЈП, по претходно изготвен план реализираа акциски контроли во угостителски објекти на подрачјата на ПС Битола и ПС од Он Прилеп, при што вкупно беа извршени контроли во 16 објекти. Односно на подрачјето на ПС Битола : пицерија “Рустико” кафе бар “Симбол”, кафе бар “Арт”, кафе бар “Конект-2”, кабаре “Анита”-село Кравари, и ресторан “Мико”-село Кравари, а пак на подрачјето на ПС од ОН Прилеп контрола беше извршена во: кафе бар “Вирус”, “Хепи Канди”, “Лидо”, “Морнар” и “Инсомниа”, интернет клубови “Клик” и “Андерграунд” и ресторани “Гурман” и “Лав”, и во кафе барот “Селект” (кој беше затворен односно не работеше), информираат од МВР. Од страна на УЈП на ресторан “Гурман“  поради неиздавање фискални сметки изречена е забрана за вршење на дејност од 15 дена и парична казна од 3.250 евра (односно 2500 евра за правното лице и 750 евра во денарска противредност за одговорното лице во правното лице), а додека за кафе бар “Инсомниа“ и интернет клуб “Клик“ изречени се глоби во висина од по 2.000 евра во денарска противвредност.  Исто така од страна на полициските службеници издадени се и шест платни налози за глоба за шест лица затекнати со цигари во угостителските објекти, како и два платни налога по Законот за лична карта.