Во последните месеци, уредничкиот тим на N1 телевизија секојдневно добива закани и навреди преку коментари на вести на нивната веб-страница, на профили на социјалните мрежи, па дури и преку е-пошта. Во последните неколку дена, бројот на вакви коментари повторно се зголеми.

Медиумот јавно објави дека новинарите добиваат пораки дека „скапо ќе платат“.

„Брате Вучко, ајде само да го изгориме целиот N1 и Србија ќе биде мирна долго време, мора да биде така… Само чекаме дозвола“, „Ајде да ги изгориме N1 и Нова“, „српските националисти ќе ве најдат дури и да сте во глувчешка дупка“, „наскоро ќе исчезнете, ајде да ги изгориме N1 и Нова“, се дел од коментарите кои ги добиваат новинарите, објави медиумот.

N1 и претходно се обрати и до претставници на извршната власт, барајќи итно да реагираат и да ја запрат сериозната и систематска кампања на таргетирање, закани и заплашување.