Порастот на цените на енергијата може да доведе до социјални немири во текот на зимата. Нестабилноста во Германија има негативна конотација бидејќи често се поврзува со крвави улични судири поради хиперинфлација за време на Вајмарската Република (германската држава од 1919 до 1933 година), што доведе до пораст на популарноста на нацистите, пишува Дојче веле (DW).

Олаф Шолц рече дека зголемените трошоци за греење се како буре барут, а Дојче веле оценува дека канцеларот се обидува да го спречи избувнувањето на немири во земјата со јавно разоткривање на проблемот.

- Со опишување на енергетската криза како буре барут, канцеларот се обидува да подготви терен за клучни одлуки - изјави за Дојче веле Рикардо Кауфер, професор на Универзитетот во Грајфсвалд.

Со други зборови, Шолц им сигнализира на коалициските партнери, опозицијата, бизнисот и граѓанското општество дека секое расправање за политички мерки се прави на штета на државата. Бундестагот веќе усвои закон со кој ќе се поштеди најранливото население од големи скокови на цените, а во исто време на германските комунални претпријатија им е дозволено да префрлат дел од дополнителните трошоци за енергија на потрошувачите.

Министерот за финансии од Либералната партија се залага за вредностите на неговата партија - ниски даноци, ниски државни трошоци и мала регулатива, додека Социјалдемократите на Шолц и Зелените се залагаат за поголема дарежлива помош за граѓаните.

Од МВР за ДВ објаснуваат дека во зависност од тоа колку трошоците и снабдувањето со енергија го оптоваруваат општеството, може да се очекуваат протести од ист размер како оние што се организираат против мерките за борба против коронавирусот.

- Можеме да претпоставиме дека популистите и екстремистите повторно ќе се обидат на свој начин да влијаат на протестите - вели портпаролот на МВР за ДВ.

Нестабилноста во Германија има негативна конотација, според професорот Кауфер, бидејќи, како што вели, често се поврзува со крвави улични судири поради хиперинфлацијата за време на Вајмарската Република, што доведе до пораст на популарноста на нацистите.

- Постои страв од протести, постои страв дека луѓето ќе преземат некои активности без процес на идентификација, на пример, избори - рече Кауфер.