Прв јас се извинувам за евентуалните слабости што постоеја, изјави грчкиот премиер Кирјакос Мицотакис во неговата изјава за ситуацијата со пожарите во земјата и најави дополнителна помош во висина од 500 милиони евра за овие две области, јави дописничката на МИА од Атина.

Вели дека целосно ја разбира болката на граѓаните кои гледаа како горат нивните домови и имоти, истакна дека приоритет било да се спасат човечки животи и додаде дека изминатите денови беа едни од најтешките во последните децении.

Изјави дека тоа што беа спасени човечки животи се должи на целосните планови за евакуација и на професионалноста на цивилната заштита, на акцијата на полицијата и крајбрежната стража.

Во северниот дел на грчкиот остров Евија имаше катастрофални пожари кои оставија пустош зад себе и тоа може да се види од снимките направени со дрон.