Дополнителниот заменик-министер за информатичко општество и администрација, во оставка, Александар Кирацовски обвинува дека  министерката Арсовска Томовска до ДИК доставила  неточен и на несоодветен начин пополнет, Список со вработени во Јавниот сектор без негов потпис.

Тој укажува дека овој список е еден од клучните предуслови за фер и регуларни избори, бидејќи од него ДИК избира членови на изборните органи кои ги спроведуваат изборите.

Кирацовски обвинува дека лидерот на ВМРО-ДПМНЕ прави се да нема фер и регуларни избори.

Тој со допис до ДИК бара да се врати половичниот, аматерски направен Список, по терк на Груевски и неговата истурена рака во министерството, Арсовска Томовска.

Вели дека списокот е пополнуван преку несоодветни формулари, внесувани во ексел табели, наместо во соодветниот софтвер.

„Во Дописот што го доставив до секој член на ДИК поединечно, потенцирав дека доколку го прифатат овој список, ќе сторат кривично дело за кое се оди во затвор.

Исто така потенцира дека списокот поднесен без двоен потпис од министер и ДЗМ, нема правно дејство.