Кипар успешно ги спроведува неопходните реформи поставени како услов за добивање на спасувачката финансиска помош од 10 милијарди евра, па со оглед на тоа ќе ја добие следната транша помош според предвидениот рок , пишува Ројтерс повикувајќи се на извори во Европската комисија. Инспектори на Европската комисија , Меѓународниот монетарен фонд и Европската централна банка го посетија Кипар во втората половина на јули , за да го проценат напредокот во зајакнувањето на јавните финансии , потсетуваат од Агенцијата . „Вработените заклучија дека програмата за економски корекции во Кипар оди според планот " , пишува во документот. „Властите преземат решителни мерки за стабилизирање на финансискиот сектор и постепено ги ублажуваат наметнатите ограничувања на депозитите“, се додава во него . „Фискалните цели се постигнати како резултат на применетите значителни мерки за фискална консолидација и строго спроведување на буџетот. Структурните реформи напредуваат во важните сектори , иако во неколку случаи се забележани одложувања и делумно повлекување" , стои во документот и се истакнува дека до моментов нема промени во клучните макроекономски и фискални проекции , кои би можеле да влијаат врз првичната претпоставка дека кипарскиот долг ќе достигне кулминација со околу 127 % од БДП во 2015 година и ќе се намали до 123 % од БДП во 2016 година. Извештајот , кој треба да биде одобрен од министрите за финансии на земјите- членки на еврозоната , претпоставува дека следната транша од спасувачката помош во вредност од 1,5 милијарди евра , која треба да биде доделен од постојаниот спасувачки фонд за еврозоната , ќе биде доделена според планот . Средствата ќе бидат искористени за докапитализација на финансискиот сектор на островот со исклучок на Bank of Cyprus , за која има посебен план за реструктуирање и Cyprus Popular Bank , позната и под локална име Laiki , која беше затворена . Од ММФ за возврат ќе достават транша од 86 милиони евра . Економијата на островот , која настрада сериозно со преструктуирањето на банкарскиот сектор , се очекува да се намали за 8,7 % во текот на оваа година , откако во 2012 година регистрира негативен раст од 2,4% .  Проектираниот буџетски дефицит за 2013 година е во износ од 6,5 % од бруто домашниот производ на земјата по оној од  6,3 % минатата година. Очекувањата се во 2014 година тој да се прошири до 8,4 % , пред да падне повторно до 6,3 % во 2015 година и до 2,9 % во 2016 година.