Кинеската економија според податоците на кинеското Национално биро не ги достигнала очекуваните прогнози според кои БДП на ниво на 2014 година ќе порасне за 7,5 отсто заокружувајќи ја годината со раст од 7,4 отсто што е под зацртаното ниво кое го очекуваше Владата во Пекинг. Ова всушност е и најниската годишна стапка на раст во изминативе 24 години во кинеската економија. Стапката на раст останува на најниско ниво од почетокот на светската финансиска криза во 2007 година. Растот на економијата во четвртиот квартал на годишно ниво изнесувал 7,3 отсто што пак е малку повеќе од зацртаните прогнози и очекувања на експертите.