Кинеските власти упатија јасна порака да американскиот претседател Доналд Трамп дека не се плашат од трговска војна но, се надеваат дека истата ќе биде избегната и ќе се постигне договор за сите спорни прашања кои треба да се наметнат сега и во иднина.

„Кина се надева дека САД ќе се вратат од работ на бездната, ќе направат мудри одлуки и ќе избегнат влечење на билатералната трговија во многу опасно место“, порачаа од кинеското министерство за економија.

Кина направила проценка на увозот на стотина американски производи и проценила дека тие вредат годишно околу 3 милијарди долари, а се претежно во прехрамбената индустрија. Доколку Кина ги зголеми трговските тарифи тогаш голем број на американски работници и земјоделци или би останале без работа или би добиле пониски плати.

Трговската војна ќе биде неизбежна доколку Трамп остане на планот да ги зголеми тарифите за увоз на челик, железо и други легури. Неговиот план е да се спречи огромниот профит на кинеските компании кои имаат државна помош и со тоа многу евтин производ кој е далеку поконкурентен од американскиот. 

Така и челичната индустрија на САД постојано страда и Трамп сака тоа да го прекине, но целосна трговска војна е сосема неприфатлива бидејќи ќе има многу тешки последици на глобално ниво.