Во домот на новинарот Томислав Кежаровски вечерва дојде полиција за да го спроведе на отслужување на затворска казна. Тој е осуден на две години затвор откако вчера Апелација ја преиначи првостепената пресуда од 4 и пол години затвор. Кежаровски по итна постапка ќе биде префрлен на издржување затворска казна. На новинарот за издржување му остануваат уште 3 и пол месеци. И Здружението на новинари вечерва ја потврди оваа информација. Кежаровски, во контроверзен судски процес беше осуден за откривање идентитет на заштитен сведок. Инаку, денеска новинарите најавија протести против пресудата за Кежаровски.